ORDE do 31 de marzo de 2020 pola que se acorda a ampliación do prazo máximo de resolución e notificación do procedemento de suspensión de contratos e redución de xornada por causa de forza maior que teñan a súa causa directa en perdas de actividade como consecuencia do COVID-19, incluída a declaración do estado de alarma, tramitados pola Secretaría Xeral de Emprego así como polas respectiva xefaturas territoriais en función dos respectivos ámbitos territoriais de afectación (DOG 2 abril de 2020).
Adxuntamos asimesmo como complemento a Orde antedita, o esquema orientativo sobre os ERTES actualizado coa ampliación do prazo de resolución aprobado no DOG de hoxe, 2 de abril de 2020.
RESOLUCIÓN do 30 de marzo de 2020 pola que se acorda a aplicación de medidas derivadas da declaración do estado de alarma no servizo de claves concertadas da Administración Xeral e do sector público autonómico de Galicia Chave365 (DOG 2 de abril de 2020).
Compre destacar das medidas aprobadas pola Resolución anterior, que se amplía o período de validez do mecanismo de claves concertadas para aquelas persoas ás cales, dito período de validez lles remate durante a vixencia do estado de alarma e polo tempo que dure éste. As persoas ás cales lles corresponda realizar a modificación da súa clave de acceso durante a vixencia do estado de alarma, poderán seguir utilizando o sistema aínda que non realicen a modificación da clave durante dito período. No caso de ser necesario, poderanse habilitar mecanismos non presenciais de rexeneración de claves de acceso en caso de bloqueos durante a vixencia do estado de alarma. Estes mecanismos garantirán a identificación do cidadán por medios non presenciais, como a achega de información coñecida por ambas partes, o uso de videochamadas ou outros similares que ofrezan as medidas de seguridade oportunas.
Atentamente.