Artesanía de Galicia

En Galicia, a artesanía sempre formou parte da vida diaria de miles de persoas, empregando técnicas tradicionais que foron ido pasando de xeración en xeración, sobre todo nas zonas rurais que tanto abundan nestas terras.

Desde a fabricación de mobiliario, utensilios para o fogar ou ferramentas para traballar o campo, os oficios artesáns estaban presentes en incontables fogares. E así segue sendo na actualidade, converténdose en moitos casos en traballos especializados, os cales comparten aspectos como o uso de materiais de proximidade, o coidado ata o detalle dos produtos, e sobre todo a paixón que impregna cada un deles.

Hai exemplos en cada recuncho, en cada comarca, parroquia ou aldea. Destacadas industrias como a orfebrería e xoiería en Santiago ou Allaríz, a cerámica en Buño, os encaixes de Camariñas… dan un merecido renome ao mundo artesanal de Galicia.

Para autentificar a artesanía e garantir a calidade duns traballos que son únicos e fabricados a man polos máis de 780 talleres artesanais inscritos no Rexistro de Artesáns de Galicia, creouse a marca e o selo “Artesanía de Galicia”.