“Se todo vén de China, ao final dependes de China: hai que darlle valor á nosa industria, á nosa agricultura, ao comercio que dá luz e vida ás nosas rúas…”
José María Seijas, Presidente da Federación Galega de Comercio
O pequeno comercio é o sector máis afectado pola o impacto do coronavirus na economía xunto á hostalería. A ferida resulta aínda máis profunda en Galicia, onde a previsión de peche supera entre 10 e 20 puntos o dato español. Se a Confederación Española de Comercio (CEC) cifra nun 20% a porcentaxe de establecementos abocados a clausúraa a falta dun plan de salvagarda para o sector, a Federación Galega de Comercio sitúa ese risco na comunidade entre o 30% e o 40%. Segundo o seu presidente, José María Seijas, o sector representa un 13% do emprego e un 14% do PIB galego.
¿Qué efecto ten neste momento o Covid-19?
O 90% do comercio galego está pechado se exceptuamos os establecementos necesarios, caso da alimentación. É dicir, 36.000 comercios galegos carecen de ingresos neste momento pero manteñen gastos, alugueres, facturas do que se comprou para a tempada, salarios, impostos, cargáronnos o último recibo de autónomos… Se non se toman medidas urxentes é probable que un bo número, entre o 30% e o 40% dos comercios galegos, pechen. Iso é o que nos xogamos.
Unha porcentaxe moi ampla.
Pois si, ademais moitos non poderán subsistir porque veñen dunha etapa de crecemento reducido, aínda non estabamos totalmente recuperados da crise, e a iso súmase a incerteza respecto ao regreso á actividade económica, tanto na data como na forma de facelo. Imaxino que será unha apertura paulatina porque se saímos todos en tromba á rúa, volveremos atrás, a contaxiarnos, por tanto as vendas van ser moi exiguas. A iso súmelle o baixísimo grao de confianza dos consumidores neste momento porque ninguén sabe se ten o seu posto de traballo asegurado, se vai cobrar ou cando. Isto afecta enormemente á demanda.
¿Qué esixe ao Goberno?
Debe suspender temporalmente todos os impostos ademais de aprazar os créditos e alugueres. Outra demanda importante é a axilidade na tramitación administrativa. O 90% dos comercios están abocados ao ERTE, pero de forma provisional porque os inspeccionarán, e se pasado o tempo, cando empezos a levantar a cabeza, dinche que non cho aproban, será imposible volver atrás. Aseguraron que os créditos ICO ían saír ao 1,75% pero á hora da verdade, entre unhas cousas e outras, cando vas facer as contas ese crédito sae ao 4,5% ou ao 5% de interese, o que resulta inasumible. As microempresas do comercio teñen que ser as protagonistas dun plan específico. Desde a Federación, ademais das chamadas que recibimos, activamos unha nova web, o que nos permite estar en contacto cos comerciantes.
¿Qué reclama á Xunta?
Nestes momentos o Executivo galego pouco pode facer dado que o Goberno central é o que ten a potestade. Estamos en contacto coa Xunta para, unha vez pasado todo isto, elaborar un plan de axudas directas ao comercio. Temos que manter o comercio vivo, é un sector dunha gran relevancia para a economía galega. Agora ben, necesitamos un plan de choque coa implicación de todas as administracións: o Goberno central, as comunidades e os concellos. Isto é unha crise sanitaria a nivel mundial e temos que estar todos xuntos, non é momento de protagonismos nin de discrepancias, aínda que por desgraza non entendemos ben todas as normativas do día a día porque, ademais, cambian a gran velocidade. É desesperante o do comercio nestes momentos. Recibo chamadas todos os días e todo o mundo está moi preocupado.
¿Qué lle di a Xunta?
Teño conversacións case a diario coa Dirección Xeral de Comercio, porque a idea é elaborar un plan global que, ademais das axudas, contemple a promoción e a formación. Debemos reavivar o comercio.
¿Cómo o promocionaría nestes momentos?
Debemos mentalizar aos cidadáns galegos, debemos transmitirlles que o comercio é seu, é o que dá luz aos barrios e aos pobos. E iso só pode solucionarse comprando no comercio. Que nalgúns casos hai unha diferenza de prezo? Pero iso revértese doutras moitas maneiras, como que o teu barrio teña alegría, vida e mellores prestacións. Repítoo moitísimas veces, onde non hai comercio non hai vida, e iso agora mesmo temos a oportunidade de comprobalo cando vemos as rúas baleiras e non hai luz porque os escaparates están apagados. Insisto, temos que mentalizarnos. Que a xente se convenza de que o comercio é seu, de todos, é a mellor promoción posible.
O comercio de proximidade, os agricultores, a España baleirada… tan esquecidos hai un mes e agora protagonistas.
Hai valores que estaban abandonados e que van rexurdir. Estou convencido de que a proximidade, a proximidade e a experiencia dos comerciantes van estar de novo en boga. Temos que darnos conta de que nos necesitamos os uns aos outros, e unha boa forma é xerar actividade entre nós. Non dubido de que a haxa globalización tivese acertos, pero nalgúns aspectos é nefasta. Todo vén de China e agora atopámonos con que dependemos de China, por tanto temos que dar vida e valor ás nosas industrias, á nosa agricultura, ao noso comercio, á proximidade…
Tamén hai brotes verdes entón…
Hai que ser positivo dentro do que cabe, pero vai ser moi difícil saír e vainos a custar moito tempo. Por iso pido unidade á cidadanía e sentido común aos políticos.
¿Cáles son as actividades máis prexudicadas?
Os comercios de moda e calzado compran con moita antelación, polo que teñen a mercadoría da campaña de verán no almacén. Isto hai que pagalo, á parte de que son artigos de tempada. En Semana Santa non se vendeu e non creo que cheguemos a tempo para o verán. O resto tamén se ve afectado. Podemos salvar á alimentación aínda que o consumidor está a volver á marca branca e ao barato polo que se aveciña.
Fonte: La Opinión de A Coruña
Traducción: Federación Galega de Comercio