- A Vicepresidencia Primeira e Consellería de Economía, Industria e Innovación destina 2,5 millóns a este programa co que se busca incentivar as vendas nos comercios de proximidade.
- A través desta iniciativa, que ten tamén por obxectivo contribuír a reducir o impacto da inflación nas familias, as persoas consumidoras disporán dun desconto de 30€ para as súas compras en comercios adheridos.
- Os bonos estarán dispoñibles para a súa descarga e uso desde o 15 de maio ata ó 15 de Setembro do 2023.
Santiago de Compostela, 4 de maio de 2023
Despois do éxito obtido nas anteriores edicións, en próximas datas iniciarase a terceira edición dos Bonos Activa Comercio, co obxectivo de impulsar as vendas no comercio de proximidade, así como axudar ás familias que están a sufrir a elevada inflación existente na actualidade.
Da misma maneira que en anteriores edicións, as personas consumidoras poderán descargar desde a web www.bonosactivacomercio.gal o bono de 30€ para as súas compras nos comercios adheridos. Os bonos terán formato dixital de código QR que se usará a través dunha aplicación móbil. Os importes dos descontos se calcularán da seguinte forma:
- Compras iguais ou superiores a 20€ e inferiores a 30€: Desconto de 5€.
- Compras iguais ou superiores a 30€ e inferiores a 50€: Desconto de 10€.
- Compras iguais ou superiores a 50€: Desconto de 15€.
Os bonos poderán descargarse e utilizarse desde o 15 de maio ata o 15 de setembro, ou ata que se esgote o orzamento do programa.
Como principal novidade desta edición do bono Activa comercio, non se limitará o número de usuarios que poden descargar os bonos, senón que cando o importe total dos descontos realizados alcance os 2,5 millóns de euros, os bonos descargados xa non poderán utilizarse aínda que teñan saldo pendente.
Toda a información, próximamente na web www.bonosactivacomercio.gal.