Orde do 6 de maio de 2026 pola que se convoca a primeira edición do ano 2026 do Programa de dinamización e incentivación do consumo nos comercios retallistas da Comunidade Autónoma de Galicia a través dos bonos Activa comercio (código de procedemento CO301B).
Toda a información atópase dispoñible na seguinte ligazón:
https://www.xunta.gal/dog/Publicados/2026/20260526/AnuncioG0767-070526-0001_gl.html
Persoas beneficiarias
Poderán ser beneficiarias das axudas as persoas físicas maiores de idade e residentes na Comunidade Autónoma de Galicia.
Obxecto
O obxecto é a convocatoria da primeira edición do ano 2026 do Programa de dinamización e incentivación do consumo nos comercios retallistas da Comunidade Autónoma de Galicia a través dos bonos Activa comercio.
Bases reguladoras
As bases reguladoras son as aprobadas pola Orden de 6 de maio do 2026. Poden consultarse na seguinte ligazón:
https://www.xunta.gal/dog/Publicados/2026/20260526/AnuncioG0767-070526-0001_gl.html
Importe
Para a concesión destas axudas destinaranse 2.501.000,00 € con cargo á aplicación orzamentaria 14.06.751A.480.1 dos orzamentos xerais da Comunidade Autónoma de Galicia para o ano 2026 de acordo coa seguinte distribución:
| Actuación | Importe |
|---|---|
| Programa bonos Activa comercio | 2.500.000,00 € |
| Sorteo bonos Activa comercio | 1.000,00 € |
Data de descarga dos bonos
Os bonos estarán dispoñibles na web www.bonosactivacomercio.gal para a súa descarga polas persoas usuarias desde o 27 de maio de 2026, ás 9.00 horas, ata que o importe total dos descontos efectivamente realizados en compravendas acade os 2.500.000,00 €.
Mediante orde da Consellería de Emprego, Comercio e Emigración poderase modificar a dita data se razóns organizativas ou doutra índole así o aconsellan, do que se dará a oportuna publicidade.