Achegamos bases do programa de axudas posto en marcha polo Concello de Silleda, chamado Silleda Reactiva (BOPPO 17 abril de 2020).
Este Programa de axudas ten por obxecto paliar as consecuencias derivadas da crise económica provocada polo COVID -19, e impulsar a actividade económica no termo municipal de Silleda, outorgando liquidez ás empresas para contribuír a facilitar o cumprimento das súas obrigacións empresariais, e o mantemento da actividade e o emprego.
Estas axudas serán de 800 euros para autónomos ou empresa que cumpran os requisitos do apartado de beneficiarios recolleitos nas bases, e que como consecuencia da declaración do estado de alarma, víronse obrigados a pechar ou sufrisen unha redución na súa facturación de polo menos o 25%, en relación coa media efectuada no semestre natural anterior á declaración do estado de alarma, e de 300 euros cando se trate de empresas que sufrisen no mes anterior á solicitude da axuda, unha redución da facturación de polo menos o 50%, en relación coa media efectuada en semestre natural anterior á declaración do estado de alarma.
Tamén poderán pedir esta axuda de 300 euros as empresa que se atopen nalgún destes casos:
- Imposibilidade total de teletraballo.
- Estar pechados os establecementos comerciais ou empresa ás que presta servizo.
- Non poder acceder aos centros de traballo debido ás limitacións de mobilidade.
- Peche parcial da actividade.
- Calquera motivo que non permita levar a cabo a acción profesional e estea directamente relacionado co obxecto desta convocatoria.
Esperamos que esta información resulte do seu interese.
Atentamente.