Ante a multitude de consultas recibidas na Federación Galega de Comercio ao longo do día de hoxe, en canto a se os autónomos aos que lles concedían, e estaban a cobrar a prestación extraordinaria de cesamento de actividade derivada do Estado de Alarma provocado pola crise sanitaria do COVID 19, poderían abrir os seus negocios o 4 de maio de acordo coas medidas orientativas publicadas polo Ministerio de Sanidade para aplicar nas fases de desescalada do confinamento, aprobadas en Consello de Ministros do 28 de abril, e continuar ao mesmo tempo cobrando dita prestación por cesamento de actividade, achegamos resumo co comunicado emitido polo Ministerio de Traballo, Migracións e Seguridade Social, no que se afirma que si é posible para os autónomos, compatibilizar a cobranza da referida prestación coa reapertura dos seus respectivos negocios.
Lembrámoslles que para levar a cabo esta reapertura dos seus establecementos comerciais e outros negocios, deberán seguir en todo momento todas as recomendacións e medidas publicadas ata a data polo Goberno e o Ministerio de Sanidade, así como as que se publiquen a partir de agora, de forma que a desescalada prodúzase de forma gradual, progresiva, e respectando ao máximo as normas de protección e seguridade da saúde das persoas: empresarios, traballadores e clientes.
Esperamos que esta información resulte do seu interese.
Atentamente.