Publicamos o Real Decreto 555/2020, do 5 de xuño, polo que se prorroga o estado de alarma declarado polo Real Decreto 463/2020, do 14 de marzo, polo que se declara o estado de alarma para a xestión da situación de crise sanitaria ocasionada polo COVID-19 (BOE 6 xuño de 2020).
https://boe.es/boe/dias/2020/06/06/pdfs/BOE-A-2020-5767.pdf
Esta prórroga estenderase desde as 00:00 horas do 7 de xuño ata as 00:00 horas do 21 de xuño de 2020.
As persoas poderán desprazarse polo territorio da provincia, illa ou unidade territorial que se determine para os efectos do proceso de desescalada, sen prexuízo das excepcións que xustifiquen o desprazamento a outra parte do territorio nacional por motivos sanitarios, laborais, profesionais ou empresariais, de retorno ao lugar de residencia familiar, asistencia e coidado de maiores, dependentes ou persoas con discapacidade, causa de forza maior ou situación de necesidade ou calquera outra de análoga natureza. En todo caso, en calquera desprazamento deberán respectarse as instrucións ditadas polas autoridades sanitarias.
No proceso de desescalada das medidas adoptadas como consecuencia da emerxencia sanitaria causada polo COVID-19, o Goberno poderá acordar conxuntamente con cada comunidade autónoma a modificación, ampliación ou restrición das unidades de actuación e as limitacións respecto a a liberdade de circulación das persoas, das medidas de contención e das de aseguramento de bens, servizos, transportes e abastecementos, co fin de adaptalas mellor á evolución da emerxencia sanitaria en cada comunidade autónoma. En caso de acordo, estas medidas serán aplicadas por quen ostente a Presidencia da comunidade autónoma, como representante ordinario do Estado no territorio.
Durante o período de vixencia desta prórroga, as autoridades competentes delegadas para o exercicio das funcións a que se fai referencia no Real Decreto 463/2020, do 14 de marzo, serán o Ministro de Sanidade, baixo a superior dirección do Presidente do Goberno, con arranxo ao principio de cooperación coas comunidades autónomas, e quen ostente a Presidencia da comunidade autónoma.
A autoridade competente delegada para a adopción, supresión, modulación e execución de medidas correspondentes á fase III do plan de desescalada será, en exercicio das súas competencias, exclusivamente quen ostente a Presidencia da comunidade autónoma, salvo para as medidas vinculadas á liberdade de circulación que excedan o ámbito da unidade territorial determinada para cada comunidade autónoma para os efectos do proceso de desescalada.
Serán as comunidades autónomas as que poidan decidir, conforme criterios sanitarios e epidemiolóxicos, a superación da Fase III nas diferentes provincias, illas ou unidades territoriais da súa Comunidade e, por tanto, a súa entrada na «nova normalidade».
Esperamos que esta información lles resulte de interese.
Atentamente.