Bases reguladoras
Orde do 27 de decembro de 2022 pola que se establecen as bases reguladoras para a concesión, en réxime de concorrencia non competitiva, das subvencións ás asociacións de comerciantes sen fins de lucro de ámbito superior ao municipal ou federacións para a revitalización do comercio de proximidade e a incentivación do consumo a través do tícket de dinamización comercial, e se procede á súa convocatoria para o ano 2023 (código de procedemento CO300B).
Entidades beneficiarias
- As asociacións de comerciantes sen fins de lucro que estean legalmente constituídas e cuxo ámbito de actuación se desenvolva na Comunidade Autónoma de Galicia e supere o municipal.
- As federacións de asociacións de comerciantes que estean legalmente constituídas e cuxo ámbito de actuación se desenvolva na Comunidade Autónoma de Galicia.
Obxecto
A incentivación da demanda comercial e o incremento das vendas do comercio retallista a través do tícket de dinamización comercial.
Importe
Destínanse 500.000,00 € con cargo á aplicación orzamentaria 05.04.751A.781.1.
Prazo de presentación de solicitudes
O prazo para a presentación de solicitudes será dun mes contado a partir do día 10 de febreiro de 2023.
Enlaces a bases e extracto
Bases: https://www.xunta.gal/dog/Publicados/2023/20230209/AnuncioV0653-180123-0007_gl.pdf
Extracto: https://www.xunta.gal/dog/Publicados/2023/20230209/AnuncioV0653-180123-0008_gl.pdf