Convocatoria de axudas para a mellora e innovación do comercio local. Programa Coidar para Mellorar 2022.
Os obxectivos específicos destas axudas, que tratan de impulsar melloras na súa modernización, a través da transformación dixital e sostible e fomentar a cultura da innovación no comercio local como ferramenta fundamental para incrementar a súa resiliencia e competitividade empresarial, son:
- Promover a implantación de tecnoloxías tendentes á transformación dixital do sector comercial.
- Mellorar as condicións físicas dos locais en cuestións relacionadas coa distribución e funcionalidade dos espazos, punto de venda, a accesibilidade, eficiencia enerxética e sostibilidade e o atractivo comercial.
- Dotar os establecementos de equipamento e tecnoloxía que melloren a súa transformación, competitividade e resiliencia.
O prazo de presentación de solicitudes comezará o día seguinte da publicación desta convocatoria no BOP (Luns, 19 de setembro de 2022) e remata o 3 de outubro de 2022.
Poden atoparse as bases con toda a información acerca das axudas na seguinte ligazón.
https://bop.dicoruna.es/bopportal/publicado/2022/09/19/2022_0000005758.pdf