CRÉDITO ESGOTADO
Entidades beneficiarias
Poderán ser entidades beneficiarias das subvencións, sen prexuízo de reuniren os demais requisitos establecidos nas bases reguladoras:
- Os concellos galegos que conten cun mercado co selo de Mercado Excelente outorgado de conformidade coa Orde do 4 de xaneiro de 2017 pola que se regula o procedemento para a obtención do selo de Mercado Excelente na Comunidade Autónoma de Galicia, ou aqueles que estean no proceso para a súa obtención. Os concellos deberán cumprir co deber de remisión das contas xerais de cada exercicio ao Consello de Contas, nos termos previstos no artigo 4 do Decreto 193/2011, do 6 de outubro, polo que se regulan as especialidades nas subvencións ás entidades locais galegas.
- As federacións e asociacións de vendedores das prazas de abastos, sen ánimo de lucro, que estean legalmente constituídas e cuxo ámbito de actuación se desenvolva na Comunidade Autónoma de Galicia. No caso de asociacións de vendedores de prazas de abastos, o número de membros asociados deberá supoñer, como mínimo, o 50 % dos postos existentes na praza de abastos. As federacións e asociacións deberán ter unha antigüidade mínima de tres anos na data de publicación desta orde e atoparse ao día na obriga de aprobación das contas anuais pola Xunta Directiva nos dous últimos exercicios previos a esta orde de convocatoria.
Obxecto
A concesión de subvencións para o impulso dunha rede de Mercados Excelentes de Galicia e a dinamización e revitalización das prazas de abastos.
Bases reguladoras
Orde do 13 de abril de 2023 pola que se establecen as bases reguladoras para a concesión, en réxime de concorrencia non competitiva, de subvencións para o impulso dunha rede de Mercados Excelentes de Galicia e a dinamización e revitalización das prazas de abastos, e se procede á súa convocatoria para o ano 2023 (código de procedemento IN223A).
Importe
A concesión de subvencións para o impulso dunha rede de Mercados Excelentes de Galicia e a dinamización e revitalización das prazas de abastos.
Concellos
Destinarase un crédito total de 4.400.000€, de acordo coa seguinte distribución:
| Anualidade | Importe |
|---|---|
| 2023 | 1.900.000 € |
| 2024 | 2.500.000 € |
| Total | 4.400.000 € |
Federacións e asociacións de prazas de abastos e mercados
Destinarase un crédito total de 220.000€ da seguinte forma:
| Federacións de asociacións de prazas de abastos | 45.000 € |
| Asociacións de prazas de abastos | 175.000 € |
Prazo de presentación de solicitudes
Un mes desde o día 28 de abril de 2023 incluido.
Ligazóns a bases e extracto
Bases: https://www.xunta.gal/dog/Publicados/2023/20230427/AnuncioV0653-170423-0030_gl.pdf
Extracto: https://www.xunta.gal/dog/Publicados/2023/20230427/AnuncioV0653-170423-0031_gl.pdf