Beneficiarias/os
Persoas físicas ou xurídicas, comunidades de bens ou calquera outro tipo de unidade económica ou patrimonio separado sen personalidade xurídica, legalmente constituídos e que, en todo caso, cumpran ademais os seguintes requisitos:
- Titulares de obradoiros artesanais, xa sexan persoas físicas ou xurídicas e comunidades de bens, inscritos no Rexistro Xeral de Artesanía de Galicia. No caso de novos obradoiros, poderán solicitar a inscrición en dito rexistro ata o último día de prazo establecido para a presentación da solicitude de subvención.
- Asociacións profesionais e empresariais de artesás/áns de Galicia legalmente constituídas das cales cando menos o 90 % dos seus membros, cun mínimo de 10, figuren inscritos na Sección Segunda (obradoiros artesáns) do Rexistro Xeral de Artesanía de Galicia.
- Concellos da Comunidade Autónoma de Galicia. Os concellos deberán cumprir co deber de remisión das contas xerais de cada exercicio ao Consello de Contas, nos termos previstos no artigo 4 do Decreto 139/2011, do 6 de outubro, polo que se regulan especialidades nas subvencións ás entidades locais galegas.
Obxecto
As subvencións reguladas por estas bases teñen por obxecto o fomento da comercialización da artesanía galega. As ditas actuacións deberán estar realizadas e efectivamente pagadas desde o 1 de xaneiro de 2023 ata a data límite de xustificación establecida no artigo 21. Así mesmo, excepcionalmente considéranse subvencionables os gastos efectuados desde o 1 de novembro ata o 31 de decembro de 2022 derivados da organización e participación en feiras do período do Nadal 2022/23, así como os gastos efectuados no ano 2022 para o pagamento da súa reserva.
Bases reguladoras
Orde do 14 de abril de 2023 pola que se establecen as bases reguladoras para a concesión, en réxime de concorrencia competitiva, das subvencións para o fomento da comercialización da artesanía galega e se convocan para o ano 2023 (código de procedemento IN201G).
Importe
Destínase un total de 265.000,00 € das aplicacións orzamentarias seguintes:
| Aplicación presupuestaria | Importe (€) |
|---|---|
| 06.03.751A.770.3.-Comercialización da artesanía de Galicia. Titulares obradoiros artesáns. | 1.900.000 € |
| 06.03.751A.761.5.-Comercialización e promoción de feiras de artesanía de Galicia. Concellos. | 2.500.000 € |
| 06.03.751A.781.4.-Comercialización da artesanía de Galicia. Asociacións profesionais e empresariais de artesás/áns. | 4.400.000 € |
Prazo de presentación de solicitudes
O prazo de presentar as solicitudes será dun mes contado a partir do 29 de abril de 2023.
Ligazóns a bases y extracto
- Bases: https://www.xunta.gal/dog/Publicados/2023/20230428/AnuncioV0653-190423-0003_gl.pdf
- Extracto: https://www.xunta.gal/dog/Publicados/2023/20230428/AnuncioV0653-190423-0004_gl.pdf